Ադրբեջանի պետական անվտանգության ծառայությունը շնորհակալություն է հայտնել Ռուսաստանի Դաշնության պաշտպանության նախարարությանը՝ ականապատ դաշտերի քարտեզների փոխանցման հարցում միջնորդելու համար։
Ադրբեջանը Հայաստանին է հանձնել հայազգի 10 զինծառայողի, հայտնում է az.sputnik-ը` մեջբերելով Ադրբեջանի պետական անվտանգության ծառայությունը։
Տղաները գերեվարվել են 2021 թվականի նոյեմբերի 16-ին՝ Քելբաջարի ուղղությամբ` ադրբեջանական սադրիչ գործողությունների արդյունքում։
Բանակցությունների արդյունքում հայկական կողմն Ադրբեջանին է փոխանցել ականապատ դաշտերի և Ադրբեջանի կողմից զավթված Արցախի Հանրապետության այլ տարածքների քարտեզներ։
Արդյունքում, Ադրբեջանը շնորհակալություն է հայտնել ՌԴ-ին՝ ականապատ դաշտերի քարտեզներն Ադրբեջանին փոխանցելու միջնորդության համար։