Հայաստանի զինված ուժերի Գլխավոր շտաբի նախկին պետ, ինչպես նաև պաշտպանության նախարարության ռազմական վերահսկողության ծառայության նախկին պետ Մովսես Հակոբյանը՝ քրեական գործով որպես մեղադրյալ. մեղադրվում է պետական գաղտնիքներ հրապարակելու հիմքով: Գործի մանրամասների վերաբերյալ տեղեկացրել է Հայաստանի ազգային անվտանգության ծառայությունը։ Ծանուցման մեջ Մովսես Հակոբյանի անունը չի մատնանշվում. խոսվում է միայն վերահսկողության ծառայության նախկին պետի կողմից 2020թ նոյեմբերի 19-ի հրապարակային ելույթի ժամանակ պետական գաղտնիք հրապարակելու մասին։ Խոսքը Հակոբյանի՝ մեծ արձագանք ստացած մամուլի ասուլիսի մասին է, որը տեղի ունեցավ Արցախի վերջին պատերազմի ավարտից 10 օր անց: Այդ ժամանակ հայ գեներալն առաջադրեց մի շարք մեղադրանքներ և կշտամբանքներ՝ հանրապետության ռազմաքաղաքական ղեկավարության հասցեին: Մասնավորապես՝ Հակոբյանն իշխանություններին մեղադրեց զենքի և ռազմական տեխնիկայի ձեռքբերման նախապես հաստատված ծրագրերը վերանայելու, «շահագործման համար ոչ պիտանի» հակաօդային պաշտպանության համակարգերի գնման, բյուջեի միջոցների աննպատակային վատնման և պատերազմի երրորդ օրը պահեստազորի լրահամալրումը դադարեցնելու մեջ: Բացի այդ՝ նա հաստատեց , որ Երևանի կողմից անիմաստ էր ռուսական՝ Սու -30 ՍՄ բազմաթիրախային կործանիչների ձեռքբերումը:
Այս հայտարարություններից հետո Հայաստանի Հատուկ քննչական ծառայությունում քրեական օրենսգրքի 306 հոդվածով քրեական գործ հարուցվեց (պետական գաղտնիքի հրապարակում)։ Հայաստանի պաշտպանության նախարարությունը նրա արտահայտությունները համարեց «սուտ և պետության անվտանգությանը սպառնացող»։ Հայաստանի նախկին ռազմական ղեկավարի հանդեպ կիրառվել է խափանման միջոց: Քրեական գործը հունիսի 29-ին ուղարկվել է դատախազություն՝ մեղադրական եզրակացությունը հաստատելու և հաջորդիվ՝ դատարան տեղափոխելու համար: