Ս.թ. ապրիլի 7-ին Փաշինյան-Պուտին հանդիպման ընթացքում, ՌԴ նախագահ Վ. Պուտինի այն հարցին, թե Հայաստանում արդեն գրանցվա՞ծ է ռուսական Sputnik-V պատվաստանյութը, Ն. Փաշինյանը պատասխանեց`այո՛։
«Փաստարկ» լրատվականն, անդրադառնալով այս հարցին և ներկայացնելով փաստեր, ցույց էր տվել, որ, այնուամենայնիվ, Հայաստանում, մինչ օրս, COVID-19- դեմ որևէ պատվաստանյութ դեռ գրանցված չէ.
https://pastark.am/covid-19-i-dem-o-r-patvastanyuthn-e-grancvatz-hayastanum/
Փաշինյանի հայտարարությունից հետո` հերթական այս սուտը մեծ աղմուկ բարձրացրեց հայկական տիրույթում։ Այնուհետև տարածվեց ՀՀ ԱՆ խոսնակ Հռիփսիմե Խաչատրյանի հայտարարությունն այն մասին, թե Sputnik-V պատվաստանյութը Հայաստանում ստացել է պաշտոնական կիրառման թույլտվություն փետրվարի 1-ին: «Սա համարվում է արտակարգ իրավիճակներում օգտագործելու թույլտվություն»,- նշել էր Խաչատրյանը։
Այս հայտարարությանը հաջորդեց ապրիլի 8-ի գիշերը «Sputnik-V» պատվաստանյութի 15000 դեղաչափի շտապ ներկրումը Հայաստան ՝ 7500 անձի համար:
Ինչպես հայտնում է ՀՀ ԱՆ` պատվաստանյութը նախատեսված է ռիսկի խմբի շրջանում կորոնավիրուսային հիվանդության (COVID-19) դեմ պատվաստումների իրականացման համար։ Կպատվաստվեն մասնավորապես 65 և բարձր տարիքի անձինք, 18-ից 64 տարեկան քրոնիկ հիվանդներ, բուժաշխատողներ, տարեցների խնամքի կենտրոնների բնակիչներ և աշխատակիցներ, սոցիալական խնամքի կենտրոնների աշխատակիցներ։
«Փաստարկ» լրատվականը մեր հայրենակիցների ուշադրությունը կրկին հրավիրում է այն հանգամանքի վրա, որ «Ակադեմիկոս Է. Գաբրիելյանի անվ. դեղերի և բժշկական տեխնոլոգիաների փորձագիտական կենտրոն» ՓԲԸ կողմից ո՛չ AstraZeneca, ո՛չ Sputnik-V պատվաստանյութերը չեն գրանցվել` չնայած այն հանգամանքին, որ ցանկացած դեղամիջոց կամ պատվաստանյութ անցնում է պարտադիր փորձաքննության և գրանցման փուլ` նախքան Հայաստանում դրա կիրառման թույլտվություն ստանալը։
Որպես օրինակ ներկայացնում ենք տխրահռչակ Gardasil պատվաստանյութի գրանցման փաստը։
