Հայաստանի կառավարությունը փետրվարին Թուրքիայի հանդեպ բողոքի հայց է ներկայացրել Մարդու իրավունքների եվրոպական դատարան՝ 2020 թվականի աշնանը ռազմական գործողությունների ընթացքում Սիրիայից վարձկաններ փոխադրելու համար։ Այդ մասին մայիսի 8-ին տեղեկացրել է Հայաստանի մարդու իրավունքների պաշտպան Արման Թաթոյանը։
Բացի այդ՝ Հայաստանի իշխանությունները մեղադրում են Թուրքիային՝ Հայաստանի քաղաքացիների և չճանաչված՝ Լեռնային Ղարաբաղի քաղաքացիների կյանքի, պաշտպանության իրավունքի խախտման, ինչպես նաև անմարդկային վերաբերմունքի դրսևորման, սեփականության և այլ հիմնարար իրավունքները խախտելու համար։
Երևանը ներկայացրել է ապացույցներ սիրիացի վարձկանների հավաքագրման և Ադրբեջան ուղարկելու, ինչպես նաև տեխնիկա, զենք, ռազմամթերք Ադրբեջանին մատակարարելու մասին։ Այդ մասին տեղեկացրել է Հայաստանի Հանրապետության մարդու իրավունքների պաշտպանը։
Հիշեցնենք, որ Անկարան Ղարաբաղի պատերազմի ընթացքում բազմակողմանիորեն աջակցել է Ադրբեջանին՝ Անդրկովկասի այդ հանրապետությունում տեղաբաշխելով իր ռազմական օդուժը, մատակարարելով հարվածող համակարգեր։