Կայսերական պինգվինները կարող են հայտնվել այն կենդանիների ցուցակում, որոնք գտնվում են անհետացման սպառնալիքի տակ։ Կլիմայի համընդհանուր տաքացման պատճառով արդեն 2100 թվականին նրանց քանակը կարող է կրճատվել 98 %-ով։Այդ մասին գրում է AP-ն։
Global Change Biology-ի հետազոտության տվյալներով պինգվինների 70%-ը կարող է անհետանալ մինչև 2050 թվականը: Ինչպես նշում են գիտնականները՝ ծովերի սառույցի կրճատման արդյունքում կայսերական պինգվինները դադարում են բազմանալ։
2016թ-ին շուրջ 10 հազար պինգվինի ձագ խեղդվեց միայն այն պատճառով, որ ժամանակը չբավականացրեց` մեծահասակներին բնորոշ փետուրների աճի համար։ Այդ դեպքից հետո պինգվինների գաղութն այդպես էլ չվերականգնվեց: «Կայսերական պինգվինների կյանքի ցիկլը կապված է ծովի կայուն սառցաշերտի առկայության հետ, ինչը նրանց անհրաժեշտ է բազմանալու, կերակրվելու և փետրափոխվելու համար »,- հայտարարել է բնապահպան Ստեֆանի Ջենուվրիեն:
Հայտնի է, որ կայսերական պինգվինները բազմանում են բացառապես Անտարկտիդայում` ձմռանը։ Մի քանի հազար պինգվին հավաքվում են խմբերով՝ ծայրահեղ ցածր ջերմաստիճանին և կատաղի քամիներին դիմակայելու համար։