Կրեմլի ներկայացուցիչ Դմիտրի Պեսկովն ընդգծել է, որ Ուկրաինայի նախագահ Վլադիմիր Զելենսկիի երկու երկրների ժողովուրդների տարբեր լինելու մասին հայտարարությունը «ոչ մի կերպ չի տեղավորվում ղեկավարների հանդիպում նախապատրաստելու գործընթացում»:
«Այո, ի դեպ կարելի է ասել` մեր տեսանկյունից, եթե այդօրինակ անհաջողակ հայտարարությունից հետո վերացարկենք, ապա ոչ մի ինքնուրույն նախապատրաստություն և ոչ մի քայլ այդ նպատակով չի ձեռնարկվում»,- նշել է Պեսկովը։
Հունիսի 30-ին ՌԴ նախագահ Վլադիմիր Պուտինն ամենամյա ուղիղ կապով հեռարձակման ժամանակ նշել է, որ ուկրաինացի ժողովրդին ոչ բարեկամական չի համարում և ընդգծել է, որ ռուսները և ուկրաինացիները մի ժողովուրդ են։ Ի պատասխան՝ Զելենսկին հրաժարվել է ռուսներին և ուկրաինացիներին մի ժողովուրդ ճանաչելուց և հայտարարել է, որ այդ դեպքում՝ Պետդումայի շենքի վրա պետք է ծածանվեր դեղին-երկնագույն դրոշը։ Միեւնույն ժամանակ, Զելենսկին պատրաստակամություն է հայտնել հանդիպելու ռուսական պետության ղեկավարի հետ։