Ռուսաստանի արտաքին գործերի նախարարության պաշտոնական ներկայացուցիչը կարծում է` հաշվի առնելով, որ սա ֆրանսիական դիվանագիտական ծառայության առաջին նման հայտարարությունը չէ, դա Բոնի անձնական կարծիքը չէ, այլ երկրի քաղաքական դիրքորոշումը: Զախարովան նաեւ շեշտեց, որ Ֆրանսիայի ԱԳՆ-ն իրավունք չունի երկրներին թելադրել, թե ինչ պատվաստանյութեր կիրառեն: «Ֆրանսիայի արտաքին գործերի նախարարությունը չէ, որ երկրներին և ժողովուրդներին պետք է թելադրի, թե ինչ պատվաստանյութերով պատվաստվեն»,- ասել է նա:
Դիվանագետի խոսքով, նման հայտարարությունները ցույց են տալիս, որ Ֆրանսիայի ԱԳՆ-ն «վիրավորված է իր երկրի համար, որը չի կարողացել մշակել իր սեփական պատվաստանյութը»: Կլեմենտ Բոնը անկեղծորեն կարող էր ասել` Ֆրանսիան չի կարողացել արտադրել իր պատվաստանյութը, մենք նախանձում ենք բոլորին, ովքեր կարողացել են, մենք կիրառում ենք քարոզչական հնարքներ ՝ հակազդելու այն երկրների հաջողություններին, որոնք աշխարհին ցույց են տվել իրենց գիտության նվաճումները,- հումորի է անցել Զախարովան:
Ռուսաստանի ԱԳՆ ներկայացուցիչն ուշադրություն հրավիրեց նաեւ այն փաստի վրա, որ Ֆրանսիայի Կովիդոզ պատվաստանյութերի կոմիտեի ղեկավար Մարի-Պոլ Չիենին ասել է, թե Sputnik-V ռուսական պատվաստանյութը համարում է արդյունավետ: «Նա պարզապես ոչ թե քարոզիչ է, ինչպես Կլեմենտ Բոնը, այլ վիրուսաբան՝ INSERM ֆրանսիական բժշկական հետազոտական ինստիտուտի տնօրեն» ,- եզրափակել է ՌԴ ԱԳՆ պաշտոնական ներկայացուցիչը:
