Ըստ ոստիկանության օպերատիվ հաղորդագրությունների ամփոփագրերի` մայիսի 24-ից 25-ը Հայաստանի Հանրապետության ոստիկանության ստորաբաժանումները բացահայտել են հանցագործության 65 դեպք, որից 9-ը՝ նախկինում կատարված։
Մասնավորապես՝ անձնական ունեցվածքի գողության՝ 12, մարմնական վնասվածք պատճառելու՝ 5, խարդախության, թմրամիջոցի հայտնաբերման և առևտրային կամ այլ կազմակերպությունների ծառայողների կողմից լիազորությունները չարաշահելու՝ 4-ական, սպանության փորձի, պետական-հասարակական ունեցվածքի գողության, յուրացման կամ վատնման, գույքը դիտավորությամբ ոչնչացնելու, հարկերից խուսափելու, զենք-զինամթերքի առգրավման, խուլիգանության ու սպանության սպառնալիքի՝ 2-ական, շորթման, ապօրինի ծառահատման, պաշտոնեական կեղծիքի կամ անփութության, իշխանության ներկայացուցչի նկատմամբ բռնության, ընտրողներին կաշառք տալու, ընտրողի ազատ կամքի իրականացմանը խոչընդոտելու, ազատությունից ապօրինի զրկելու, ընտանեկան բռնության, մշակումն արգելված թմրանյութեր պարունակող բույսեր ապօրինի աճեցնելու, անհետաձգելի միջամտության որոշման կանոնները խախտելու, ծեծի և գույքն անզգուշությամբ վնասելու՝ 1-ական դեպք։
Հայտնաբերվել է 1 անհետ կորած, 3 հետախուզվող։ Կամավոր ներկայացել է 10 հետախուզվող։
Գրանցվել է զենք-զինամթերքի կամավոր հանձնման 6 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 4, բնակարանային գողության՝ 2, մարմնական վնասվածք պատճառելու, խարդախության և գույքը դիտավորությամբ վնասելու 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար. 8 մարդ ստացել է տարբեր աստիճանի մարմնական վնասվածքներ: