ՌԴ ԱԳՆ պաշտոնական ներկայացուցիչ Մարիա Զախարովան հերքել է Մոսկվայից ԱՄՆ դեսպան Ջոն Սալիվանի արտաքսման մասին լուրերը։ Այս մասին նա հայտնել է ՌԻԱ Նովոստիին։
Ավելի վաղ Al Jazeera հեռուստաալիքը հայտնել էր, որ ռուսական կողմն իբր հայտարարել է, որ վտարում է ԱՄՆ դեսպանին ի պատասխան ռուս դիվանագետների արտաքսմանը։ Զախարովայի խոսքով՝ Մոսկվան միայն արձագանքման միջոցներ է մշակում, և որոշում դեռ կայացված չէ։
Ավելի վաղ ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան հայտարարել էր, որ ԱՄՆ-ը պերսոնա նոն գրատա է հայտարարել ՄԱԿ-ում ՌԴ մշտական ներկայացուցչության 12 աշխատակցի և նրանց վտարել երկրից։ Դիվանագիտական ներկայացուցչության աշխատակիցները պետք է լքեն երկիրը մինչև մարտի 7-ը։ Մեկնաբանելով այս որոշումը՝ Զախարովան ասել է, որ այդ քայլն «անպատասխան չի մնա, պարտադիր չէ, որ սիմետրիկ լինի»։