Որոշումն ընդունել է «Ռոսկոմնադզորը»՝ գլխավոր դատախազության պահանջով
«Ռոսկոմնադզորը», գլխավոր դատախազության պահանջով, արգելափակել է Ռուսաստանում գերմանական Die Welt թերթի կայքը։
Էջերի և կայքերի արգելափակման ստուգման RKN ունիվերսալ ծառայության համաձայն՝ հուլիսի 9-ին Գլխավոր դատախազության պահանջով Ռուսաստանում սահմանափակվել է մուտքը welt.de կայք, հայտնում է Интерфакс-ը։
«Ռոսկոմսվոբոդա» կազմակերպության տվյալներով ծառայությունը հուլիսի 9-ից արգելափակվել է «դիմակով», այսինքն՝ բոլոր տիրույթներով և ենթադոմեյններով։
Die Welt-ը (գերմաներենից թարգմանաբար նշանակում է «Աշխարհ») գերմանական տեղեկատվական օրաթերթ է, որը հրատարակվում է եվրոպական հրատարակչական Axel Springer SE-ի կողմից։
Առաջին համարը թողարկվել է Համբուրգում 1946 թվականի ապրիլի 2-ին բրիտանական վարչակազմի կողմից։
