Սկանդինավյան երկրները սահմանափակել են «Մոդեռնա»-ի օգտագործումը երիտասարդ տղամարդկանց համար. azatutyun.am

Azatutyun.am-ը գրում է.

Ֆինլանդիան ևս, հետևելով հարևան Շվեդիային և Դանիային, սահմանափակեց COVID-19-ի դեմ «Մոդեռնա»-ի պատվաստանյութի օգտագործումը երիտասարդ տղամարդկանց համար։ Դա բացատրվում է սիրտ-անոթային համակարգի վրա հազվագյուտ կողմնակի ազդեցությամբ, միոկարդիտով։ Միոկարդիտը սրտամկանի բորբոքումն է։

Ֆինն պաշտոնյաներն ասել են, որ 1991 թվականից հետո ծնված երիտասարդներին «Մոդեռնա»-ի փոխարեն պատվաստելու են «Ֆայզեր»-ով։

Ֆինլանդիայում ներկա դրությամբ կարող են պատվաստվել 12 տարեկան և ավելի բարձր տարիքի մարդիկ։ Երիտասարդների համար «Մոդեռնա»-ի պատվաստանյութի կիրառումը սահմանափակելու որոշումը Շվեդիան և Դանիան ընդունել էին հոկտեմբերի 6-ին, հաջորդ օրը նրանց միացավ Ֆինլանդիան։ Երիտասարդներին «Մոդեռնա»-ով չպատվաստվելու որոշումն այդ երեք երկրները պատճառաբանում են՝ վկայակոչելով սկանդինավյան նույն ուսումնասիրությունը, որը, սակայն, չի հրապարակվել։ Ֆինլանդիայի առողջապահության նախարարությունը հավաստիացրել է, որ զեկույցը կհրապարակվի գալիք շաբաթների ընթացքում։ Ուսումնասիրության տվյալները հետագա գնահատման համար ուղարկվել են Դեղամիջոցների եվրոպական գործակալություն։

Մանրամասները` սկզբնաղբյուրում.

 

 

Թողնել մեկնաբանություն