«Քաղաքացիական պայմանագիր» կուսակցության անդամ Ռուբեն Ռուբինյանը «տարօրինակ» է անվանել ՀԱՊԿ գլխավոր քարտուղար Ստանիսլավ Զասի հայտարարությունը հայկական սահմաններին տիրող իրավիճակի մասին:
«Այս հայտարարությունը մեզ համար, բնականաբար, տարօրինակ է մի քանի պատճառներով: Նախ, պարոն Զասը նշում է, որ զոհեր չեն եղել, ցավոք, զոհ է եղել, հայ զինվոր է սպանվել ադրբեջանցի զինվորականների կողմից», — ասում է Ռուբինյանը` «Ազատություն» ռադիոկայանի հայկական ծառայությանը տված հարցազրույցում: «ՀԱՊԿ-ն ունի գործիքներ կամ պարտավորություններ ՝ արձագանքելու ոչ միայն անմիջական ագրեսիային կամ ռազմական գործողություններին, այլ նաև կազմակերպության անդամ պետության տարածքային ամբողջականությանը, ինքնիշխանությանը և անվտանգությանը սպառնացող վտանգներին»։