«Ազգային Վերահսկողության Համակարգ» ՀԿ-ն իր ֆեյսբուքյան էջում հրապարակել է 2020թվականին համացանցը ցնցած մի հայտարարության նկար և կից գրել.
«Արցախյան վերջին պատերազմից անմիջապես հետո ադրբեջանական ֆեյսբուքյան կայքում տեղադրվեց տեղեկատվություն` ադրբեջանական համերգ կազմակերպելու մասին, որն, ըստ այդ հրապարակման, պետք է տեղի ունենա 2021 թվականի հոկտեմբերի 18-ին Ստեփանակերտում։
Այս հրապարակումը մեծ աղմուկ բարձրացրեց, սակայն, հետագայում խոսակցությունները սրա շուրջ մարեցին և մատնվեց մոռացության։
Այսօր, հայտնի դարձավ, որ Ադրբեջանի ՄԻՊ, դեմոկրատիայի և մարդու իրավունքների ինստիտուտի ղեկավար Ահմեդ Սահիդովն իր թվիթերյան էջում գրառումներ է կատարել այն մասին, թե, համաձայն 2020թվականի նոյեմբերի 10-ին Նիկոլ Փաշինյանի կողմից ստորագրած կապիտուլյացիոն փաստաթղթի, ս.թ. հունիսին Ստեփանակերտը կլինի ադրբեջանական բանակի հսկողության տակ։
Այստեց կարելի է անել հետևություն, որ, ինչպես Ադրբեջանի ՄԻՊ-ն է հայտարարում իր թվիթերյան էջում, 2020 թվականի նոյեմբերի 10-ին ստորագրված կապիտուլյացիոն փաստաթղթով Նիկոլ Փաշինյանը թշնամուն հանձնել է ամբողջ Արցախը` մայրաքաղաք Ստեփանակերտի հետ միասին։
Իսկ թե ինչու է երեկ Փաշինյանը Հայաստանի փոխարեն թռել Կարս և ում հետ է նա այնտեղ հանդիպել, կարծում ենք արդեն պարզաբանման կարիք չունի»։