Ազգային ժողովի նախագահ Արարատ Միրզոյանը ստորագրել է «ՀՀ ընտրական օրենսգիրք» սահմանադրական օրենքում փոփոխություններ եւ լրացումներ կատարելու մասին» օրենքը,- հայտնում են Ազգային ժողովից։
Ավելի վաղ` ապրիլի 1-ին, Ազգային ժողովն ընդունել էր «ՀՀ ընտրական օրենսգիրք» սահմանադրական օրենքում փոփոխություններ եւ լրացումներ կատարելու մասին» օրինագիծը, համաձայն որի՝ ընտրությունները կանցկացվեն համամասնական ընտրակարգով, այն է` ռեյտինգային ընտրակարգը վերացվեց։ Սակայն, նախագահ Արմեն Սարգսյանը չստորագրեց օրենքը, բայց և չդիմեց Սահմանադրական դատարան՝ դրա Սահմանադրությանը համապատասխանությունը գնահատելու համար:
Արարատ Միրզոյանի ստորագրումից հետո փոփոխությունները մտնում են ուժի մեջ և հունիսի 20-ին նախատեսված ընտրությունները կկայանան համամասնական ընտրակարգով։