«Մեր առաջնահերթությունն ենք հռչակելու հայրենիքի եւ սփյուռքի միջեւ կապի ամրապնդումը` փոխադարձ վստահության մթնոլորտում, Սփյուռքի համայնքների համախմբումը եւ ջանքերի մեկտեղումը` հայրենիքի զարգացման գաղափարի շուրջ»: Սա հատված է «Իմ քայլը» դաշինքի 2018թվականի նախընտրական ծրագիրց: «Հայաստանը և Սփյուռքը միավորող» ուժը, սակայն, չէր նշել, որ իրենց իշխանության գալուց հետո լուծարվելու է Սփյուքի նախարարությունը:
«Փաստարկ» լրատվականը շարունակում է զուգահեռներ անցկացնել «Իմ քայլը» դաշինքի 2018թվականի նախընտրական ծրագրի և առակա իրականության միջև:
Եվ այսպես, Սփյուռքի նորարարական քաղաքականության մեր ռազմավարությունն ուղղված է լինելու «Ուժեղ Հայաստան, Ուժեղ Սփյուռք» տեսլականի իրագործմանը, որի կարեւորագույն ուղղություններ ենք սահմանելու հետեւյալ միջոցառումները.
Նախատեսվում էր — իրականացնելու ենք սփյուռքի բազմազան օջախներում առկա ներուժի բացահայտմանն ուղղված հետազոտություններ, այդ ներուժի քարտեզագրմանն ու ներգրավմանը ուղղված աշխատանքներ:
Ինչ ունենք իրականում – Ցավոք, մինչ այժմ չունենք արված և ոչ մի հետազոտություն: Իսկ Սփյուռքի հարցերի գլխավոր հանձնակատարը զբաղված է սեփական քաղաքական թիմի տեսակետները գեներացնելով: Այս 3 տարիների ընթացքում ունեցել ենք զրո համակործակցություն Սփյուռքում ապրող հայ համայնքների հետ:
Նախատեսվում էր — քննարկումներ ենք սկսելու Սփյուռքի մեր հայրենակիցների` Հայաստանում ներկայացվածության ինստիտուցիոնալացման շուրջ:
Ինչ ունենք իրականում – Այս ընթացքում միայն Սփյուռքն է մեզ հետ համագործակցել, այն էլ պատերազմի ընթացքում օգնություն ուղարկելով և վերջ, իսկ երբ փորձեց հասկանալ, թե որտեղ է իրենց ուղարկած օգնությունը, Սփյուռքը առջև դռները շրխկալով փակվեցին:
Նախատեսվում էր — Մշակելու ենք հայրենադարձության կազմակերպման ծրագրեր, որ հիմնականում միտված են լինելու վերջին տասնամյակներին Հայաստանից արտագաղթած ՀՀ քաղաքացիների բարեհաջող վերահաստատմանը հայրենիքում, ինչպես նաեւ Հայաստանում հաստատվել ցանկացող սփյուռքահայերին քաջալերմանը։
Ինչ ունենք իրականում – Արդարության համար արձանագրենք, որ հեղափոխությունից հետո հայրենադարձություն իրապես ունեցանք։ Բազմաթիվ հայեր, իրենց ընտանիքներով ժամանեցին Հայաստան՝ մշտական բնակություն հաստատելու: Սակայն, վերջին 4 ասում Հայաստանից օդային ճանապարհով հեռացողների թիվը 76 677-ով ավելի է, քան ժամանածների թիվը: Այս մասին է տեղեկանում ենք «Զվարթնոց» օդանավակայանի մամուլի ծառայությունից:
Նախատեսվում էր — Սփյուռքի ուժեղացման կարեւոր գործոն է նաեւ «հայկական կյանքից» օտարվող եւ օտարված մեր հայրենակիցների վերաինտեգրումը հայկական իրականությանը:
Ինչ ունենք իրականում – Չմոռանանք, որ Սփյուռքը պատերազմի ավարտից հետո պահանջել և պահանջում է Նիկոլ Փաշինյանի և իր վարչախմբի հեռացումը, սակայն նրանց նույնիսկ չեն հիշատակում իրենց խոսքում: Իսկ Սփյուռքի ներդրումներն իսպառ անհետացան:
Նախատեսվում էր — Մենք հավատում ենք, որ ուժեղ Հայաստանն ու ուժեղ Սփյուռքը փոխպայմանավորված են. ուժեղ Հայաստան ունենալու կարեւորագույն գրավականը ուժեղ Սփյուռքի գոյությունն է, սակայն Հայաստանը կարեւորագույն դեր կարող է եւ պետք է ունենա իրենց երկրներում Սփյուռքի բազմազան համայնքների, կազմակերպությունների, հաստատություների ու անհատների ուժեղացման գործում։
Ինչ ունենք իրականում – Իրապես ուժեղ Սփյուռքն ու ուժեղ Հայաստանը փոխկապակցված են, իսկ մեր երկիրը դեռ ուժեղանալու է:
