Կադիրովը Զելենսկիին ապաստան է առաջարկել և, երկխոսության դեպքում, հանդիպում Պուտինի հետ
Չեչնիայի ղեկավար Ռամզան Կադիրովը դիմել է Ուկրաինայի նախագահ Վլադիմիր Զելենսկուն և առաջարկել նրան հանդիպում կազմակերպել Ռուսաստանի նախագահ Վլադիմիր Պուտինի հետ, եթե Ուկրաինայի ղեկավարը պատրաստ լինի երկխոսության։ Այս մասին շրջանի ղեկավարը գրել է իր Telegram ալիքում։
«Զելենսկի, եթե գնաս դեպի Լեհաստան, ապա քեզ սպասվում է [Վրաստանի նախկին նախագահ Միխեիլ] Սահակաշվիլիի ճակատագիրը։ Եթե դուք վստահում եք Ռուսաստանին և պատրաստ եք երկխոսության, ապա ես պատրաստ եմ հանդիպել ձեզ կես ճանապարհին և անձամբ խնդրել ՌԴ նախագահ Պուտինին, որ ձեզ ապաստան տա և փրկի ձեր դեմքը»,- առաջարկել է Կադիրովը։
Նա Զելենսկուն խնդրել է կապ հաստատել իր հետ և խոստացել օգնել «Պուտինի հետ հանդիպում կազմակերպել և ընդհանուր լեզու գտնել»։ Կադիրովը նաև հայտարարել է, որ Զելենսկին նախագահի պարտականությունները պետք է փոխանցի 2014թվականին նախագահի պաշտոնից հեռացված Վիկտոր Յանուկովիչին։
«Այո, դու տաղանդավոր մարդ ես, լավ դերասան, բայց ոչ քաղաքական գործիչ։ Իսկ հիմա դուք ունեք խնդիրների բեռ, որը չեք կարողանում լուծել։ Կապվեք ինձ հետ, քանի դեռ ուշ չէ, և մենք կխոսենք ձեր ապագայի մասին: Որոշում կայացրեք որքան հնարավոր է շուտ»,- եզրափակել է Կադիրովը։