COVID-ի դեմ պատվաստման հակացուցումը որոշում է բուժող բժիշկը կամ կոնկրետ հիվանդության դեպքում` այդ ոլորտի մասնագետը։ Այս մասին РИА «Новости»-ին տված հարցազրույցի ժամանակ տեղեկացրել է ՌԴ Առողջապահության նախարար Միխայիլ Մուրաշկոն։
Նախարարը բացատրել է նաև կարգը. բժշկական հակացուցումների առկայությունը որոշվում է բուժող բժշկի կամ ոլորտային մասնագետի կողմից։ Գերատեսչության ղեկավարը հստակեցրել է, որ հակացուցումները կարող են լինել ինչպես մշտական, այնպես էլ ժամանակավոր:
Եթե քաղաքացու մոտ առկա են ժամանակավոր հակացուցումներ, ապա փաստաթղթի գործողության ժամկետը 30 օր է։ Դրանից հետո կատարվում է մասնագետի կրկնակի խորհրդատվություն,- պարզաբանել է Մուրաշկոն։
Ավելի վաղ «Փաստարկ» լրատվականը ներկայացրել էր պատվաստման հակացուցումների շարքը։
Նշենք, որ ՀՀ Առողջապահության նախարարությունից դեռևս նմանօրինակ հայտարարություն չի հնչել և պարզ չէ` արդյոք հետագայում կհնչի, թե ոչ։