Ռուսաստանն ավստրիական Austrian Airlines ընկերությանը թույլ չի տվել Բելառուսը շրջանցելով ժամանել Մոսկվա։ Այս մասին հայտնում է ТАСС գործակալությունը` հղում անելով ավիաընկերությանը։
Ըստ աղբյուրի փոխանցման, ավիաընկերությունը դադարեցրել է թռիչքները Բելառուսի օդային տարածքով` Ryanair ընկերության ինքնաթիռի հարկադիր վայրէջքի միջադեպի հետ կապված` ելնելով Եվրոխորհրդարանի ավիացիոն անվտանգության գործակալության խորհրդատվությունից։
«Թռիչքուղու փոփոխությունը պետք է հաստատվի իշխանության կողմից։ Ռուսական իշխանություններն այդ թույլտվությունը չեն տվել»,- բացատրել է Austrian Airlines-ը։
Ավելի վաղ հայտնել էին, որ Austrian Airlines-ը պետք է ժամաներ Վիեննայից Մոսկվայի Դոմոդեդովո օդանավակայան։