Հուլիսի 13-14-ը Դուշանբեում կայանալիք բանակցությունների վերջնարդյունքում՝ Շանհայի համագործակցության կազմակերպության երկրների արտգործնախարարները՝ Շանհայի համագործակցության կազմակերպության անդամները, կընդունեն համատեղ հայտարարություն՝ Աֆղանստանի իրավիճակի շուրջ։ Այդ մասին հուլիսի 7-ին տեղեկացրել է ՌԴ նախագահի՝ Շանհայի համագործակցության երկրների հատուկ ներկայացուցիչ Բախտիեր Հաքիմովը։
«Հասկանալի է, որ հաշվի առնելով Աֆղանստանում ներկայիս իրավիճակը՝առաջին հերթին անհրաժեշտ է հաշվի առնել, թե ինչպես են զարգանում իրադարձություններն այս երկրում: Բանավեճը տեղի կունենա Շանհայի համագործակցության կազմակերպության երկրների արտգործնախարարների ձևաչափով, ինչպես նաև նախատեսված են ՇՀԿ երկրների արտգործնախարարների և Աֆղանստանի արտաքին գործերի նախարարի առանձին հանդիպում ՇՀԿ-ի՝ Աֆղանստանի հարցերով՝ շփման խմբի ձևաչափով։ Վերջնարդյունքում՝մենք նախատեսում ենք հայտարարություն ընդունել Աֆղանստանում տիրող իրավիճակի վերաբերյալ»,- ասել է Բախտիեր Հաքիմովը։
— Նախարարները պետք է քննարկեն հարցերի մեծ օրակարգ, առաջին հերթին՝ կապված ղեկավարների հանդիպման հետ: Խոսքը փաստաթղթերի ցուցակի մասին է, որը նախատեսված է ներկայացնել ղեկավարներին քննարկմանը ,- պարզաբանել է դիվանագետը:
Շանհայի համագործակցության երկրների գագաթնաժողովը նախատեսված է անցկացնել Դուշանբեում սեպտեմբերի 16-17-ը. այն կանցկացվի դեմ առ դեմ ձևաչափով։
Հարկ է տեղեկացնել, որ մինչ օրս «Թալիբան» շարժումը, որն արգելված է Ռուսաստանի Դաշնությունում, վերահսկում է Աֆղանստանի տարածքի առնվազն երեք քառորդը: Դիտորդները վստահ են, որ արևմտյան կոալիցիայի զորքերը լիովին դուրս բերելուց հետո թալիբները կվերականգնեն խալիֆաթի վարչակարգը, որը գործել է 1996- 2001 թթ․։