Քաբուլում Թուրքիայի դեսպան Ջիհադ Էրգինայը հանդիպել է Թալիբան շարժման կառավարության փոխվարչապետի պաշտոնակատար Աբդուլգանի Բիրադերի հետ։ Այս մասին տեղեկացնում է Anadolu գործակալությունը։
Ըստ Անկարայի դիվանագիտական աղբյուրների, քննարկվել են Թուրքիայի և Աֆղանստանի միջև բարեկամական հարաբերությունների վիճակն ու հեռանկարները, հումանիտար օգնության հարցերը:
Միաժամանակ, Թուրքիայի Կարմիր մահիկի ընկերությունը Պակիստանի տարածքով երկու բեռնատար մարդասիրական օգնություն է ուղարկել կարիքավոր աֆղաններին։
Ընկերությունը հայտնել է, որ բեռը բաղկացած էր 33 տոննա պարենային ապրանքներից:
Աֆղանստանի և Պակիստանի սահմանին գտնվող Թորխամ անցակետում բեռնատարներին դիմավորել են Թուրքիայի և Աֆղանստանի Կարմիր մահիկի ընկերությունների ներկայացուցիչները:
Պակիստանում Թուրքիայի Կարմիր մահիկի ընկերության ղեկավար Իբրահիմ Կառլոս Կամիլոն Anadolu-ին հայտնել է, որ օգնությունը կբաժանվի 16 հազար աֆղանցիների միջև:
Այսպիսով, ամերիկյան «լծից ազատված Աֆղանստանը» չի կարողանում դուրս գալ իր շուրջ հյուսված ցանցից և պատառ-պատառ է արվում հսկա տերությունների կողմից։
Türk Kızılay Pakistan Delegasyonu tarafından hazırlanan 33 tonluk gıda yardımı, Pakistan ile Afganistan arasındaki Torkham Sınır Kapısı’nda Türk Kızılay Afganistan Delegasyonu ve Afganistan Kızılay yetkililerince teslim alındı. ( Muhammet Nazım Taşcı — Anadolu Ajansı )